وعد اداريـــــة
عدد المساهمات : 34 نقاط : 25360 السٌّمعَة : 0 تاريخ التسجيل : 31/07/2010 العمر : 33
| موضوع: غناوي علم و شتاوات على العزيز السبت يوليو 31, 2010 9:52 am | |
| السلام عليكم ورحمة الله وبركاته
عندى ليكم مجموعة من غناوى وشتاوى ع العزيز إن شاء الله تعجبكم
نبدأبغناوى العلم
عندى عين فارضة عالعقل يخطر عزيز الاوقات كلها
العين فى غياب غلاك الحزن هو لباسها
عزيز غاب غيبة عمر امفيت حلم ما عاد ننظره
الله لايجيب نهار اعزاز فيه يبقوا لغيرنا
عزيز قبل مالى دار خلاها خلا يا نويرتى
خلانى غلا عزيز اطرش كفيف فى دار خالية
حسايف العين اكبار تنظر عزيز فى إيدين غيرنا
خلوك فى مصافق ريح اعزاز قرطسوا بيت الغلا
بكيت يا عزيز عليك رقيت عزم قسمى قيسنى
الصبر ما يجيب عزيز امغير عذر داروه العرب
القسم مرتين اظلمك ودر عزيز وحذاك نزله
اغفيت ما لقيت اعزاز اوعيت جرتى باكيلهم
عطاك يا عزيز الله مسيطر علينا بالغلا
النوم والعزيز بعيد حرام عليك يا عين ترقدى
وهذه شتاوى ع العزيز
غيبة ناس اعزاز اتعذب = اللى ما ضاق يقول امكذب
راجع يالعزيز ضميرك = راك وراك امبكى غيرك
دار عزيز عليها حالف = غير الحى عليش يوالف
بعقالك يا عقلى خلك = لين يجيك عزيز يحلك
عزيز نسانا دار عويل = يقمط ويدودش ويشيل
انريدوها لكن هيهات = عزيز يجى يسهر ويبات
عزيز امخليلى لوهام = جدب لو تمطر مية عام
حصلة فيه عزيز احصلنا = لاهان ولا فيه اوصلنا
جنين غلاى اللى ناسيه = لقيت عزيز يربى فيه
عزيز دوانا بين إيديه = إن متنا محسوبين عليه
وهذه غناوة وشتاوة
الغناوة تقول العين مو فراق عزيز الصاعب إنها ما ودعت
والشتاوة تقول اللى صعبت ساعة فرقاه = عزيز مشى ما ودعناه نبى مشاركة | |
|